Аввалроқ Париж суди тартибсизликлар юз беришидан хавфсираб намойишларга рухсат бермаганди. Фаластинни қўллаб-қувватлаш намойишлари Франциянинг бошқа шаҳарларида ҳам бўлиб ўтмоқда.
Парижда полиция ва Ғазо секторини қўллаб-қувватлаш учун ўтказилган намойишлар қатнашчилари ўртасида тўқнашув юз берди. Бу ҳақда La Depeche хабар бермоқда.
Полиция кўздан ёш оқизувчи газ ва сув пуркайдиган техникадан фойдаланди. Полиция бошқармасининг маълумот беришича, намойишлар ўтказилаётган ҳудудларга 4,2 минг нафар полициячи ва жандарм жалб этилди.
Аввалроқ Париж суди тартибсизликлар юз беришидан хавфсираб намойишларга рухсат бермаганди.
«Биз фаластинликлар билан ҳамжиҳатлигимизни билдирмай туришга қаршимиз ва намойиш ўтказишимизга халақит бера олишмайди», — дея жавоб қайтарди намойиш ташкилотчилари.
France 24 каналининг хабарига кўра, улар орасида фаластинликлар ассоциацияси, антифашист ассоциациялар, New Anti-Capitalist партияси бор. Маълумот берилишича, намойиш иштирокчилари Исроилни «қотил» деб атаган ва «Озод Фаластин» деб ҳайқирган.
🔴 ALERTE INFO #Paris : Des #islamistes défilent dans les rues de #Paris aux cris de "Allah akbar". #AllahuAkbar #Barbes #Palestine #Israel #antisemitisme #antisémites #Barbès #Barbes #Palestine #IsraelPalestine pic.twitter.com/mHyi7y5OYU
— FranceNews24 (@FranceNews24) May 15, 2021
PARIS - La situation dégénère. Les rues sont remplies de gaz lacrymogène mais les manifestants restent nombreux. #Palestine pic.twitter.com/IFVH2CtPad
— Clément Lanot (@ClementLanot) May 15, 2021
Фаластинни қўллаб-қувватлаш намойишлари Франциянинг бошқа шаҳарларида ҳам бўлиб ўтмоқда. Париждан фарқли ўлароқ, бу шаҳарларда намойишларга рухсат берилган. Тулуза ва Монпельеда бир неча юз киши иштирокида намойиш ўтказилди. Шунингдек, Лион, Бордо, Марсел, Нант, Ренн, Страсбург, Лилл, Мец шаҳарларида митинглар ўтказилиши режалаштирилган.
Исроил ва Фаластин ўртасидаги тўқнашувлар 10 майдан буён давом этмоқда.
