"Air Astana" Ўзбекистонга янги йўналишларда парвозларни амалга ошириш учун рухсатнома олди. Бу ҳақда Транспорт вазирлиги хабар берди.
Фото: Казинформ
Маълум қилинишича, "Ўзавиация" агентлиги томонидан 2021 йил 8 июн куни Қозоғистон Республикасининг "Air Astana" авиакомпаниясига Туркистон – Тошкент – Туркистон ва Олмаота – Самарқанд – Олмаота йўналишларида Ўзбекистонга мунтазам авиақатновларни амалга ошириш учун рухсатнома берилди.
"Air Astana" авиакомпанияси "Нур-Султон – Тошкент - Нур-Султон" ва "Олмаота – Тошкент – Олмаота" йўналишлари бўйича мунтазам авиақатновларни амалга ошириш учун 2010 йил 18 ноябрдаги 78-К сонли эксплуатацион рухсатномасига ҳам эга.
Бундан олдин, Ўзбекистон ва Қозоғистон ўртасида янги йўналишларда aвиақатновлар йўлга қўйилиши хабар берилганди.
