Икки ҳафталик танаффусдан кейин бугун, 2 ноябрь сешанба оқшомида Чемпионлар лигаси 4-тур баҳсларига старт берилади. Европа қишки вақтга ўтгани сабабли баҳсларни яна бир соат кўпроқ кутишимизга тўғри келади. Турнинг дастлабки кунги ўйинлар рўйхатидан бир қатор эътиборли қарама-қаршиликлар ўрин олган. Қуйида тўртта гуруҳдаги вазият, тахминий таркиблар ва ўйинлар анонси билан таништириб ўтамиз.
Бу турда қайси жамоалар плей-оффга йўлланма олиши мумкин?
Чемпионлар лигаси 4-тур учрашувларида бир йўла бешта клуб гуруҳ босқичи якунланишидан икки тур аввал 1/8 финалга йўлланма олиш имкониятига эга. Турнирнинг энг сермаҳсул клуби «Бавария» кетма-кет бу ўйинда ҳам «Бенфика»ни мағлубиятга учратса, гуруҳдан чиқиш вазифасини бажаради. Шунингдек, 4-турдаги 3 очко «Ливерпуль», «Зальцбург» ва «Ювентус»га ҳам нимчоракфинал йўлланмасини тақдим этади. Шунингдек, «Аякс» Дортмунднинг «Боруссия» клубидан бу турда ҳам устун келса, кейинги босқич масаласини ҳал этади.
Сульшер учун яна бир синов
Антонио Контенинг «Тоттенҳэм» бош мураббийига айлангани «Аталанта» билан баҳс олдидан «Манчестер Юнайтед» бош мураббийи Сульшерга нафасни ростлаш имконини берган бўлса ажабмас. Ўтган бир ҳафта давомида жуда кучли босим ва танқидлар остида қолган норвегиялик мураббий ўрнини айнан Контега бўшатиб беришга яқин эди. Аммо унга уч ўйинлик имконият берилгани ва улардан дастлабкисида «Тоттенҳэм» устидан эришилган ғалабадан сўнг иккинчи синов ЕЧЛ доирасида «Аталанта»га қарши ўтади. Бергамодаги учрашувда ҳам Сульшер Лондондаги ғалабали ўйиндаги услуб ва таркибдан фойдаланиши мумкин. Оле-Гуннар бу ҳақда ўйиндан олдинги матбуот анжуманида айтиб ўтди. «Олд Траффорд»даги баҳсда Гасперини шогирдлари 2:0 ҳисобидаги ғалабани якунда йўқотганини (2:3) инобатга олсак, Бергамода мезбонлар аламли мағлубият учун реваншга интилишларини кутиш мумкин.
«Барса» Киевда Кумансиз ҳам 3 очко оладими?
«Динамо»га қарши кечадиган ўйин олдидан ўтган ҳафтада «Барселона» бош мураббийи Роналд Куман истеъфога чиқарилди. Бош мураббий вазифасини бажарувчи этиб тайинланган Серхи Бархуан қўл остида каталонияликлар «Алавес» билан дуранг (1:1) қайд этишга улгуришди. Украинада навбатдаги очколар йўқотилиши «Барса»ни қийин вазиятга тушириши мумкин.
Мезбонлар учун ҳам «Барселона» билан ўйин ҳал қилувчи аҳамиятга эга. Мағлубият – катта эҳтимол билан «Динамо»ни баҳорги еврокубоклардан мосуво этади. Аммо «Барса»даги ҳозирги вазият ва таркибда Жерар Пике, Серхио Агуэро ва Педрининг йўқлиги киевликларга очко олиш имконини яратиши мумкин.
Левандовски учун юбилей ўйин
«Бавария» «Бенфика»ни йирик ҳисобда мағлуб этган 3-тур учрашувида Роберт Левандовски Лиссабонда битта гол муаллифига айланганди. «Олтин тўп»га даъвогарлик қилаётган польшалик форвард «Бенфика»га қарши Мюнхендаги баҳсда ЕЧЛдаги 100-учрашувида майдонга тушиши мумкин. Турнирда жами 78та гол киритган Роберт бугунги юбилей ўйинида ҳам голлари сонини янада ошириш имкониятига эга.
Гуруҳлардаги вазият қандай?
E гуруҳи: «Бавария» (9 очко) - «Бенфика» (4), «Динамо» Киев (1) - «Барселона» (3)
- «Бавария» «Бенфика»га мағлуб бўлмаса, 1/8 финалга чиқади. Ғалаба қозонса ва «Барса» Киевда очко йўқотса, Мюнхен клуби 1-ўринни нақд қилади.
F гуруҳи: «Вильяреал» (4) - «Янг Бойз» (3), «Аталанта» (4) - «Манчестер Юнайтед» (6)
- 4-тур ўйинларидан кейин гуруҳда ҳеч нарсага аниқлик киритилмайди.
G гуруҳи: «Севилья» (3) - «Лилль» (2), «Вольфсбург» (2) - «Зальцбург» (7)
- «Зальцбург» «Вольфсбург»ни мағлуб этса, 1/8 финалга чиқади.
H гуруҳи: «Ювентус» (9) - «Зенит» (3), «Мальме» (0) - «Челси» (6)
- «Ювентус» «Зенит»га мағлуб бўлмаса, 1/8 финал йўлланмасини нақд қилади. «Мальме» «Челси»ни мағлуб эта олмаса, гуруҳдан чиқиш имкониятини буткул йўқотади.
ЕЧЛ. 4-тур. 2 ноябрь (сешанба)
E гуруҳи
«Динамо» Киев - «Барселона»
Ўйин бошланиш вақти: 01:00
ТВ-трансляция: Ёшлар
Тахминий таркиблар:
«Динамо» Киев: Бушан; Кендзера, Забарний, Сирота, Караваев; Сидорчук, Шапаренко; Циганков, Буяльский, де Пена; Вербич
Ўйнамайди: Беседин (жароҳат), Кулач (юрак), Миколенко (номаълум)
«Барселона»: тер Стеген; Дест, Араухо, Эрик Гарсия, Альба; Нико, Бускетс, де Йонг; Гави, Депай, Коутиньо/Ансу Фати
Ўйнамайди: Брейтвейт (жароҳат), Педри (жароҳат), Пике (жароҳат), Серхи Роберто (жароҳат), Агуэро (юрак)
«Бавария» - «Бенфика»
Ўйин бошланиш вақти: 01:00
ТВ-трансляция: Маҳалла
Тахминий таркиблар:
«Бавария»: Нойер; Павар, Зюле, Упамекано, Эрнандес; Киммих, Горецка; Гнабри, Мюллер, Сане; Левандовски
Ўйнамайди: Шупо-Мотинг (жароҳат), Ульрайх (жароҳат)
Сўроқ остида: Дэвис (жароҳат)
«Бенфика»: Влаходимос, Вериссимо, Отаменди, Вертонген; Диогу Гонсалвеш, Вайгль, Жоау Мариу, Гримальдо; Рафа Силва, Яремчук, Дарвин
Ўйнамайди: Андре Алмейда (жароҳат), Лазаро (жароҳат), Родриго Пиньо (жароҳат), Сеферович (жароҳат)
F гуруҳи
«Вильяреал» - «Янг Бойз»
Ўйин бошланиш вақти: 01:00
ТВ-трансляция: -
Тахминий таркиблар:
«Вильяреал»: Рульи; Марио Гаспар, Альбиоль, Торрес, Альберто Морено; Капу, Парехо, Тригерос; Чуквуэзе, Данджума, Йереми Пино
Ўйнамайди: Жерар Морено (жароҳат), Фойт (жароҳат)
«Янг Бойз»: Февр; Хефти, Камара, Лаупер, Гарсия; Сьерро, К. Мартинс; Фасснахт, Эбишер, Нгамале; Элиа
Ўйнамайди: фон Балльмоос (жароҳат), Лустенбергер (жароҳат), Нсаме (жароҳат), Монтейру (жароҳат)
Сўроқ остида: Зесигер (жароҳат), Камара (жароҳат)
«Аталанта» - «Манчестер Юнайтед»
Ўйин бошланиш вақти: 01:00
ТВ-трансляция: Спорт
Тахминий таркиблар:
«Аталанта»: Муссо; де Роон, Демирал, Ловато; Дзаппакоста, Фройлер, Коопмейнерс, Меле; Пашалич; Муриэль, Сапата
Ўйнамайди: Хатебур (жароҳат), Гозенс (жароҳат), Пессина (жароҳат)
«МЮ»: де Хеа; Линделеф, Варан, Магуайр; Уан-Биссака, Погба, Мактоминей, Шоу; Бруну Фернандеш; Роналду, Рэшфорд
Ўйнамайди: -
G гуруҳи
«Вольфсбург» - «Зальцбург»
Ўйин бошланиш вақти: 22:45
ТВ-трансляция: Маҳалла
Тахминий таркиблар:
«Вольфсбург»: Кастеелс; Мбабу, Лакруа, Брукс, Отавио; Гилявоги, Арнольд; Люкбакио, Филипп, Штеффен; Нмеча
Ўйнамайди: Бялек (жароҳат), Мехмеди (жароҳат), Руссийон (жароҳат), Шлагер (жароҳат), Вильям (жароҳат)
«Зальцбург»: Кен; Кристенсен, Онгене, Вебер, Ульмер; Камара; Аронсон, Сучич, Зайвальд; Окафор, Адейеми
Ўйнамайди: Капальдо (дисквалификация), Шешко (жароҳат), Юнузович (жароҳат), Пентковски (жароҳат), Соле (жароҳат)
«Севилья» - «Лилль»
Ўйин бошланиш вақти: 01:00
ТВ-трансляция: -
Тахминий таркиблар:
«Севилья»: Буну; Навас, Кунде, Диего Карлос, Акунья; Дилейни, Фернандо, Торрес; Сусо, Рафа Мир, Окампос
Ўйнамайди: Гомес (жароҳат)
«Лилль»: Грбич; Зеки Челик, Фонте, Тьягу Джало, Рейнилду; Иконе, Андре, Шека, Бамба; Дэвид, Веа
Ўйнамайди: Ботман (жароҳат), Бурак Йилмаз (бетоб)
H гуруҳи
«Мальме» - «Челси»
Ўйин бошланиш вақти: 01:00
ТВ-трансляция: Спорт
Тахминий таркиблар:
«Мальме»: Далин; Ларссон, Ахмедходжич, Мойсандер; Бергет, Инносент, Пенья, Ракип, Рикс; Чолак, Бирманчевич
Ўйнамайди: Бейимо (жароҳат), Тойвонен (жароҳат), Кнудсен (жароҳат), Сейдиу (жароҳат), Кристиансен (жароҳат)
«Челси»: Менди; Аспиликуэта, Кристенсен, Рюдигер; Джеймс, Канте, Жоржиньо, Чилуэлл; Зиёш, Ҳадсон-Одои, Ҳаверц
Ўйнамайди: Маунт (бетоб), Лукаку (жароҳат), Вернер (жароҳат), Ковачич (жароҳат)
«Ювентус» - «Зенит»
Ўйин бошланиш вақти: 01:00
ТВ-трансляция: Спорт2
Тахминий таркиблар:
«Ювентус»: Шенсни; Данило, Бонуччи, де Лихт, Алекс Сандро; Куадрадо, Локателли, Маккенни, Бернардески; Дибала, Мората
Ўйнамайди: де Шильо (жароҳат)
Сўроқ остида: Кьеза (жароҳат), Кин (жароҳат), Рэмзи (жароҳат)
«Зенит»: Крицюк; Сутормин, Чистяков, Ловрен, Ракицкий, Караваев; Мостовой, Барриос, Вендел, Клуадиньо; Озмун
Ўйнамайди: Оздоев (жароҳат)
Сўроқ остида: Малком (жароҳат), Дуглас Сантос (жароҳат), Круговой (бетоб), Кузяев (номаълум).
Усмон Ибодов
