Сербия пойтахти Белградда ўтаётган бокс бўйича жаҳон чемпионатида финал беллашувлари давом этмоқда.
Фото: ЎБФ
-60 кг вазнда ўзбекистонлик Абдумалик Ҳалоков финалда 2017 йилги жаҳон чемпиони, франциялик Софиян Оумиага 0:5 ҳисобида мағлуб бўлиб, кумуш медални қўлга киритди.
Маълумот учун, бухоролик 21 ёшли боксчи финалгача Даниял Шахбаш (Эрон, жароҳат туфайли рингга чиқмаган), Всеволод Шумков (Россия), Тадей Чернога (Словения), Ясин Ляма (Македония) устидан ғалаба қозонганди.
Шундай қилиб, барча 13та вазн тоифасида жаҳон чемпионатига борган Ўзбекистон бокс жамоаси мусобақани 1та кумуш ва 1та бронза (-92 кг, Мадияр Саидраҳимов) медали билан якунлади.
