Ражаб Тоййиб Эрдўған Анқара Украинада мустаҳкам тинчлик ўрнатилиши учун бор имкониятларини ишга солишда давом этишини айтди.
Туркия президенти Ражаб Тоййиб Эрдўған Россия президенти Владимир Путин билан телефон орқали мулоқоти давомида у ва Украина президенти Владимир Зеленский ўртасида учрашув ташкил этиш таклифини билдирди.
"Президент Эрдўған Россия ва Украина ўртасида раҳбарлар даражасида муҳим босқич бўлган Истанбул жараёнини ташкил этиш таклифини яна бир бор такрорлади", - дейилади Туркия президенти девонхонаси хабарида.
Эрдўған шунингдек, Анқара Украинада мустаҳкам тинчлик ўрнатилиши учун бор имкониятларини ишга солишда давом этишини айтди.
Туркия президенти Украина ва Россия делегациялари маслаҳатлашувларида ижобий натижага эришилганини қайд этди.
Апрел бошларида Эрдўған Путин билан телефон орқали суҳбатлашган, Туркия Россия ва Украина раҳбарларининг учрашувини ташкил этишга тайёрлигини билдирганди.
