Оқдарёда яшовчи шахс 404 туп, Урганч туманида яшовчи шахс 547 туп кўкнори ўстираётгани аниқланган.
Давлат божхона қўмитаси ахборот хизматининг хабар беришича, Контрабандага қарши курашиш бўлими тезкор ходимлари ДХХ билан ҳамкорликда Оқдарё туманида ўтказган тезкор тадбирда фуқаролардан бири ҳовлисида 404 туп кўкнори гиёҳвандлик ўсимлигини етиштираётгани аниқланган.
Шунингдек, Хоразм вилояти божхона бошқармаси Контрабандага қарши курашиш бўлими ходимлари ДХХ ва ИИБ ходимлари ҳамкорликда ўтказган тезкор тадбирда Урганч туманида яшовчи шахс томорқаси ва боғида 532 туп кўкнори гиёҳвандлик ўсимлигини ўстираётгани аниқланган.
Қайд этилишича, жорий йил 5 ой давомида божхоначилар 164 та қонунбузарлик ҳолатида 547 килограмм зиёд гиёҳвандлик воситаларининг ноқонуний айланмасига чек қўйишган.
Аввалроқ, Жума шаҳридаги цемент омборида 2 минг тупдан ошиқ марихуана гиёҳвандлик ўсимлигини ўстириб келаётган шахслар ушланганди.
