Фото: oyina.uz
Кеча, 11 январь куни Тожикистонда бирданига 6 нафар эгизак дунёга келгани ҳақида хабар берилган эди.
“Asia-Plus” манбасига кўра, бугун эгизакларнинг барчаси вафот этди.
Хўжанд туғуруқхонаси бош шифокори Нури Дадабоева янги туғилган чақалоқларнинг барчаси вафот этганини тасдиқлаган.
Шифокорнинг сўзларига кўра, ўлимнинг асосий сабаби эрта туғуруқ ва кам вазн бўлган. Чақалоқларнинг вазни 600-700 граммни ташкил этган.
Маълумот учун, эгизакларнинг 4 нафари қиз ва 2 нафари ўғил эди. Дастлабки маълумотга кўра, туғилган вақтда уларнинг соғлиғи нормал ҳолатда бўлган.
