Мирзо Улуғбек туманида 2017 йилда қурилгани айтилаётган кўп қаватли уйнинг деворлари ёрилиб кетгани акс этган видео тарқалди. Ҳолатдан Қурилиш вазирлиги хабардор, масъуллар ўрганиш ишларини бошлаган.
Видеода маълум қилинишича, тумандаги “Олий ҳиммат” МФЙда жойлашган бу “новостройка”нинг барча хоналаридаги деворлари ёрилиб кетган.
“Мана шу даражагача келди. Шу уйни “новостройка” деб бизга алдов йўли билан сотишди. Мана шундай аҳвол, ойналар ва эшик ёпилмайди. Очиқ қолган жойларидан кўча кўринади”, – дейди видеомурожаат муаллифи.
Қурилиш вазирлиги ҳолат юзасидан ўрганиш ишларини бошланганини маълум қилди.
Эслатиб ўтамиз, 8 феврал куни президент жамоатчилик вакиллари ва мутасаддилар иштирокидаги йиғилишда Тошкент шаҳрида бош режа бўлмагунча янги қурилишларга мораторий эълон қилинишини айтганди.
