Ҳиндистоннинг IndiGo, Полшанинг LOT Polish Airlines ва Малайзиянинг Malinda Airways авиакомпаниялари Ўзбекистонга мунтазам авиақатновларни амалга ошириш учун рухсатнома олди.
Фото: Ўзавиация
Ўзбекистон ва тегишли давлатлар ўртасида ҳаво қатнови тўғрисидаги ҳукуматлараро битим асосида "Ўзавиация" агентлиги томонидан қатор авиаташувчиларга Ўзбекистонга мунтазам парвозларни амалга ошириш учун эксплуатацион рухсатномалари берилди.
Улар:
- Ҳиндистоннинг IndiGo авиакомпаниясига Деҳли - Тошкент - Деҳли йўналишида А-320NEO ва А-321 NEO ҳаво кемаларида;
- Полшанинг LOT Polish Airlines авиакомпаниясига Варшава - Тошкент - Варшава йўналишида Boeing-737-8MAX ҳаво кемасида;
- Малайзиянинг Malinda Airways авиакомпаниясига Куала-Лумпур - Тошкент - Куала-Лумпур йўналишида А-330 ҳаво кемасида.
