Ўзбекистонда касса операциялари яширин иқтисодий фаолиятни амалга оширишнинг асосий усули бўлиб қолаётгани айтилди

"Дунё" хабарига кўра, унда сенатор сўнгги йилларда мамлакатда солиқ маъмуриятчилигини такомиллаштириш, унинг тизимини соддалаштириш орқали иқтисодиёт тармоқларини ривожлантириш, шунингдек, яширин иқтисодиётни камайтириш бўйича меъёрий-ҳуқуқий базани мустаҳкамлаш, жамоатчилик назоратини кучайтириш, давлат ҳокимияти ва бошқаруви органлари фаолиятини такомиллаштиришга қаратилган ислоҳотлар босқичма-босқич амалга оширилаётганини алоҳида таъкидлайди.

Шу билан бирга, у касса операциялари яширин иқтисодий фаолиятни амалга оширишнинг асосий усули бўлиб қолаётганига урғу беради. "Шунинг учун банк карталари ва бошқа тўлов воситаларидан фойдаланиш жозибадорлигини ошириш орқали нақд пулсиз ҳисоб-китоблар кўламини кенгайтириш чораларини кўриш зарур, - дейилади мақолада. – Ўзбекистон айни пайтда яширин иқтисодиёти юқори бўлган давлатлардан бири саналади. Шу боис мамлакатда иқтисодиёт секторини қонунийлаштириш бўйича қатор чора-тадбирлар белгиланди. Маълумки, яширин иқтисодиёт даражасининг пасайиши бюджет даромадлари ҳажмининг ижобий ўзгаришига хизмат қилади".

Яширин иқтисодиётга қарши курашиш, даромадларга солиқ солиш борасида ривожланган мамлакатларнинг илғор тажрибасини қўллаш мақсадга мувофиқ, деган хулосага келади Эркин Гадоев. "Бунинг учун яширин иқтисодий фаолиятга қарши курашиш ва унинг олдини олишда жамоатчилик назорати механизмлари имкониятларидан самарали фойдаланиш зарур", - дея якунлайди сенатор.