Тошкентда Ўзбекистон ва Европа Иттифоқи 2024 йилга мўлжалланган турли шакллардаги қўшма кун тартибини муҳокама қилди.
Фото: «Дунё» АА
Ўзбекистон ташқи ишлар вазири Бахтиёр Саидов мамлакатга ташриф билан келган Европа комиссияси вице-президенти Маргаритис Схинас бошчилигидаги делегация билан учрашди, деб хабар бермоқда «Дунё».
«Ташқи ишлар вазирлигида Европа комиссияси вице-президенти Маргаритис Схинас жаноблари билан учрашишдан мамнунмиз», – деб ёзди Ўзбекистон ТИВ раҳбари ўзининг Telegram-каналида.
Иқтисодий дипломатияни фаоллаштириш, барқарор тараққиёт бўйича ҳамкорлик қилиш, халқ дипломатиясини ривожлантиришга кўмаклашиш масалалари кўриб чиқилди.
Шунингдек, 2024 йилга мўлжалланган Ўзбекистон – Европа Иттифоқи ва Марказий Осиё – Европа Иттифоқи шаклларида қўшма кун тартиби муҳокама қилинди.
