Шота Руставели кўчасида 4 та автобус йўналиши қайта ишга тушди

2025 йил 22 октябрдан бошлаб Шота Руставели кўчасидаги марказий автобус йўлаги (BRT) орқали 2-, 18-, 45- ва 94-сонли автобус йўналишлари ҳаракати қайта йўлга қўйилди.

Фото: Президент матбуот хизмати

Бу йўлак орқали ҳаракат қилаётган автобусларга устуворлик берилади. Лойиҳанинг асосий мақсади — жамоат транспорти ҳаракатини енгиллаштириш, тирбандликларни камайтириш ва йўловчилар учун қулай ҳамда хавфсиз шароит яратишдир.

Йўловчилар учун эслатмалар:

автобуслар йўлнинг ўрта қисмидаги махсус йўлакда ҳаракатланади;
платформага фақат белгиланган пиёдалар ўтиш жойлари орқали чиқинг;
автобус тўлиқ тўхтаганидан кейингина эшикка яқинлашинг;
аввал кексалар, ногиронлиги бўлган шахслар ва болали йўловчиларга йўл беринг.

Ҳайдовчилар учун эслатмалар:

марказий автобус йўлаги (BRT) фақат автобуслар учун мўлжалланган;
бу йўлакда бошқа транспорт воситалари ҳаракатланиши ва тўхташи қатъиян тақиқланган;
чапга бурилиш ва ортга қайрилиш ҳар икки йўналишда ҳам мумкин эмас.

Тайёрлаган: Отабек Матназаров

#автобус #BRT #Шота Руставели кўчаси