Паркент бозори ёнидаги йўлда таъмирлаш ишлари тугалланмоқда

Ижтимоий тармоқларда кенг муҳокама қилинаётган Паркент бозори атрофидаги йўл таъмирлаш ишлари якунланиш арафасига келди. Ҳозирда мутахассислар йўл тўшамасини янгилашнинг якуний босқичларини амалга оширмоқда.

Фото: ведиодан кадр

Ҳудуддаги реконструкция ишлари жадал суръатларда олиб бориляпти. Лойиҳа доирасида хавфсизлик оролчаси янада қулай ва ишончли ҳолатга келтирилди, пиёдалар йўлакларининг қопламаси янгиланди ҳамда янги брусчаткалар ётқизилмоқда.

Қайд этилишича, ушбу ишлар ҳудуднинг ўтказувчанлик қобилиятини ошириш, транспорт ҳаракатини тартибга солиш ва пиёдалар учун янада қулай шароит яратишга қаратилган.

Шу тариқа, Паркент бозори атрофида амалга оширилаётган янгиланишлар ҳудудда хавфсизлик ва қулайликни кучайтиришга хизмат қилиши кутилмоқда.