Turkiya odam savdosida ayblangan ayolni O‘zbekistonga deportatsiya qildi

Turkiya va O‘zbekiston Ichki ishlar vazirliklari hamkorligida o‘tkazilgan tezkor tadbirlar natijasida odam savdosi jinoyatini sodir etganlikda ayblanib qidiruvda bo‘lgan R.S. (1974 yilda tug‘ilgan, Sonya laqabi bilan tanilgan) O‘zbekistonga deportatsiya qilindi.

Foto: O‘zbekiston Respublikasining Istanbul shahridagi Bosh konsulxonasi

U 2013–2015 yillarda Bangkok shahrida fohishaxona tashkil etib, vatandosh ayollarni yuqori daromadli ish va’dasi bilan aldab, Qozog‘iston orqali Tailandga olib borib fohishalik qilishga majburlagan jinoiy guruh tarkibida faol ishtirok etganlikda ayblangan.

Mazkur shaxsning noqonuniy xatti-harakatlaridan jabrlangan fuqarolar O‘zbekiston Ichki ishlar vazirligi yoki uning quyi tizimlariga, shuningdek, Istanbuldagi Bosh konsulxonaga murojaat qilishga chaqirildi.

Shu bilan birga, so‘nggi vaqtlarda firibgarlik holatlari bo‘yicha murojaatlar ko‘paygani sababli, fuqarolardan firibgarlarga aldanib qolmaslik va ogoh bo‘lish so‘raldi.

Tayyorlagan: Отабек Матназаров

#Turkiya #deportatsiya