«Ayaks» himoyachisi Serjino Dest faoliyatini «Barselona»da davom ettiradi. Bu haqda kataloniyaliklar klubi rasmiy sayti xabar berdi.
Destning transferi qiymati 21 mln yevroni tashkil etgan, kelishuvga ko‘ra yana 5 mln yevro bonuslar ko‘rinishida tto‘lanishi mumkin. 19 yoshli futbolchining shartnomasi 2025 yilga qadar tuzilgan, unga 400 mln yevro miqdorida tovon puli belgilangan.
🇺🇸 The American Dream in Barcelona.
— FC Barcelona (@FCBarcelona) October 1, 2020
🔵🔴 @sergino_dest, welcome to Barça! #DE2TCuler pic.twitter.com/gq6avTiHq8
«Serjino Dest himoyachi uchun zarur bo‘lgan ko‘plab sifatlarga ega: hujumga qo‘shiladi, yaxshi himoyalanadi, to‘pga ishonch bilan egalik qiladi va maydonda ijodkor. U bundan buyon bunday hunarlarini «Barsa» futbolkasida namoyish etadi, bu jasur yosh himoyachi uchun chaqiriqdir», deyiladi klub matbuot xizmati xabarida.
Dest — «Ayaks» akademiyasi tarbiyalanuvchisi hisoblanadi va o‘ng qanot himoyachisi ampluasida harakatlanadi. U 2019 yilda amsterdamliklar safida debyut qilgan. O‘tgan mavsumda u 36 o‘yinda maydonga tushib, 2 gol urgan va 6 golga uzatma bergan. Serjino AQSh terma jamoasiga nomzod futbolchi bo‘lib, bu terma jamoada uch o‘yin o‘tkazgan.