«Аякс» ҳимоячиси Сержиньо Дест фаолиятини «Барселона»да давом эттиради. Бу ҳақда каталонияликлар клуби расмий сайти хабар берди.
Дестнинг трансфери қиймати 21 млн еврони ташкил этган, келишувга кўра яна 5 млн евро бонуслар кўринишида ттўланиши мумкин. 19 ёшли футболчининг шартномаси 2025 йилга қадар тузилган, унга 400 млн евро миқдорида товон пули белгиланган.
🇺🇸 The American Dream in Barcelona.
— FC Barcelona (@FCBarcelona) October 1, 2020
🔵🔴 @sergino_dest, welcome to Barça! #DE2TCuler pic.twitter.com/gq6avTiHq8
«Сержиньо Дест ҳимоячи учун зарур бўлган кўплаб сифатларга эга: ҳужумга қўшилади, яхши ҳимояланади, тўпга ишонч билан эгалик қилади ва майдонда ижодкор. У бундан буён бундай ҳунарларини «Барса» футболкасида намойиш этади, бу жасур ёш ҳимоячи учун чақириқдир», дейилади клуб матбуот хизмати хабарида.
Дест — «Аякс» академияси тарбияланувчиси ҳисобланади ва ўнг қанот ҳимоячиси амплуасида ҳаракатланади. У 2019 йилда амстердамликлар сафида дебют қилган. Ўтган мавсумда у 36 ўйинда майдонга тушиб, 2 гол урган ва 6 голга узатма берган. Сержиньо АҚШ терма жамоасига номзод футболчи бўлиб, бу терма жамоада уч ўйин ўтказган.