Samarqand viloyati hokimi o‘rinbosari SSP raisiga o‘rinbosar bo‘ldi.
Samarqand viloyat hokimi o‘rinbosari Jamshid O‘roqov Savdo-sanoat palatasi raisi o‘rinbosari lavozimiga tayinlandi. Bu haqda palata matbuot xizmati xabar bermoqda.
Jamshid O‘roqov 1972 yili Samarqand shahrida tug‘ilgan, iqtisod fanlari nomzodi. 2009-2014 yillarda Samarqand viloyati hokimi o‘rinbosari sifatida ishlagan. 2015-2017 yillarda Savdo-sanoat palatasining Samarqand viloyati hududiy boshqarmasi boshlig‘i bo‘lgan, 2017 yildan 2019 yilgacha palata raisining o‘rinbosari sifatida ishlagan.
U 2019 yil yanvaridan buyon Samarqand viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimida ishlab kelayotgandi.
Bundan oldinroq 2017-2022 yillarda Savdo-sanoat palatasiga raislik qilgan Adham Ikromov palata rayosati raisi bo‘lib qaytgani xabar qilingandi.
Palataga 2022 yil martidan buyon Davron Vahobov raislik qilib kelmoqda.
