Qoʻshimcha funksionallar
-
Tungi ko‘rinish
Toshkent viloyatida 3 ta yuk mashinasi ishtirokida YTH ro‘y berdi
Angrenda Shacman yuk mashinasi Cobalt avtomobili hamda Volkswagen, Man yuk mashinalari bilan to‘qnashuv sodir etdi. YTH oqibatida ikki haydovchi va bir yo‘lovchi shifoxonaga yotqizilgan.
Foto: Toshkent viloyati YHXB
27 avgust kuni soat 03:30 atrofida Toshkent viloyati Angren shahrida yuk mashinalari ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi matbuot xizmati xabar bermoqda.
Shahar hududidan o‘tgan xalqaro ahamiyatdagi A-373 avtomobil yo‘lining 183-kilometrida Shacman rusumli yuk avtotransport haydovchisi o‘zi bilan bir yo‘nalishda oldinda harakatlanayotgan Cobalt va Volkswagen Crafter rusumli yuk avtomashinalari bilan to‘qnashgan.
Shundan so‘ng Shacman yo‘l chetida harakatsiz turgan Man rusumli yuk avtomobiliga urilib to‘xtagan.
YTH oqibatida 2 nafar haydovchi va bir nafar yo‘lovchi tan jarohati olib, shahar markaziy shifoxonasiga yotqizilgan.
Holat yuzasidan Angren shahar IIB tomonidan tergovga qadar surishtiruv ishlari olib borilmoqda.
Mavzuga oid
11:31 / 20.01.2026
Bo‘stonliqda Li9 yo‘lning xandaq qismiga tushib ketdi
19:01 / 18.01.2026
Toshkent viloyatidagi uylardan tarkibida qimmatbaho metall bo‘lgan 17,5 tonna qum va toshlar topildi
10:30 / 13.01.2026
Chotqol tizmasida qor ko‘chish xavfi e’lon qilindi
11:15 / 07.01.2026