Маълумотларга кўра, жорий йилнинг дастлабки олти ойида пойтахтда қурилиш-пудрат ишлари ҳажми 61,2 трлн сўмни ташкил этган. Бу соҳада ўтган даврга нисбатан 9,9 фоизлик ўсиш қайд этилганини кўрсатади.
Ҳисобот даврида Тошкентда жами 151 та кўп қаватли турар жой биноси қуриб битказилиб, фойдаланишга топширилган. Натижада пойтахт уй-жой фонди 11 270 та янги хонадонга кенгайган.
Шунингдек, олти ой давомида 7 та ижтимоий объект ишга туширилди. Уларнинг 3 таси мактабгача таълим ташкилоти, қолган 4 таси бошқа ижтимоий объектлар ҳиссасига тўғри келади.
Келтирилган рақамларга кўра, пойтахтда уй-жой ва ижтимоий инфратузилма объектларини барпо этиш ишлари давом этмоқда.
