Қашқадарёда отаси томонидан зўравонликка учраган опа-сингилга холаси васий бўлди
Қашқадарёда 16 ёшли қиз онасининг ўлимидан кейин у ва синглиси отаси томонидан турли шаклдаги зўравонликка учраганини айтганди. Болалар омбудсмани опа-сингилга холаси васий бўлганини маълум қилди.
Қайд этилишича, қизларнинг қариндошларидан қай бири улар учун яшаш ва таълим олиш муносиб шароитларини таъминлай олиши масаласи ҳар томонлама ўрганилган. Қарши шаҳар ҳокими тегишли қарори билан М.Ш. ва Н.Ш. вафот этган онасининг опаси бўлган Қ.Д. қизларга васий этиб тайинланди.
Қ.Д. ўз ҳомий ва васийлигидаги вояга етмаган М.Ш. (2008 йилда туғилган) ва Н.Ш. (2010 йилда туғилган)ни тарбиялаши, уларнинг таъминоти, соғлиғи, жисмоний, руҳий, маънавий ва ахлоқий камолоти ҳақида ғамхўрлик қилиши, шунингдек, ҳуқуқлари, эркинликлари ва қонуний манфаатларини ҳимоя қилиш учун масъуллиги тегишлича юклатилди.
Мавзуга оид
14:21 / 02.10.2024
Оилавий зўравонликдан жабрланганлар эҳтиёжманд аҳоли тоифасига киритилади
12:38 / 27.09.2024
Қашқадарёда пахта хариди бўйича рақобат чекланмоқда
14:53 / 26.09.2024
Қашқадарёда Афғонистон фуқаросининг пулларини ўзлаштирган шахсга жиноят иши қўзғатилди
16:18 / 25.09.2024