Фанлар академияси Нукус филиали ва Таиланднинг Касетсарт университети ўртасида илмий ҳамкорликни ривожлантириш муҳокама қилинди

Ўзбекистон Фанлар академияси Нукус филиали ва Таиланднинг Касетсарт университети (Касетсарт Университй) раҳбарияти ўртасида онлайн-мулқот ташкил этилди.

Унда Ўзбекистон ва Таиланд илмий таълим муассасалари ўртасида ўзаро ҳамкорликни йўлга қўйиш истиқболлари муҳокама қилинган.

Таиланд вакиллари Ўзбекистон олий ўқув юртлари билан ҳамкорлик ўрнатишдан манфаатдор эканини қайд этган.

- Университетимиз Ўзбекистон илмий марказлари билан яқин алоқаларга эга. Жумладан, атроф-муҳит факультети Таиланд ташқи ишлар вазирлиги Халқаро ҳамкорлик агентлиги (TICA) иштирокида «Орол денгизининг жанубий қисмида экологик тадқиқотлар учун инфратузилма яратиш» бўйича инновацион лойиҳада иштирок этмоқда, - деди Касетсарт университети президенти Жонграк Ватчаринрат.

Томонлар Ўзбекистоннинг тегишли ОТМлари билан муҳандислик-технологиялари соҳасида ҳамкорлик ўрнатиш, қўшма дипломлар тақдим этувчи таълим дастурларини амалга ошириш, талабалар ва ўқитувчилар алмашинувини ташкил этиш хусусида ҳам фикр алмашишган.

Музокаралар якунида Ўзбекистон Фанлар академияси Нукус филиали ва Касетсарт университети атроф-муҳит факультети ўртасида ўзаро илмий ҳамкорлик бўйича меморандум лойиҳасини ишлаб чиқиш ва имзолаш бўйича келишувга эришилган.

Эслатиб ўтамиз, бундан олдин НДПИ ва Россия давлат педагогика университети ўртасида ҳамкорлик шартномаси имзоланганди.