Kun.uz инглиз тилида ишловчи журналистларни ишга таклиф қилади

Инглиз таҳририятига қабул қилинадиган мухбирларнинг асосий вазифаси – воқеа-ҳодисаларни ёритиб бориш орқали Kun.uz'нинг инглиз тилидаги талқинини бойитиш, хусусан, интервюлар ва журналистик видеоконтент ҳисобига ранг-барангликни ошириш бўлади.

Номзодларнинг инглиз тилини билиш даражаси IELTS мезонлари бўйича ёки ёзиш, ёки гапириш кўникмаси бўйича 7 баллдан кам бўлмаслиги лозим. Мухбирлар ўз танловига кўра иш фаолиятида асосий эътиборни матн билан ишлаш (шу жумладан, таржима) ёки видеоконтент яратишга қаратишлари мумкин.

Номзодларга қўйиладиган талаблар:

• инглиз тилини эгаллаш кўникмаси юқорида таърифланган даражага мос бўлиши;

• Тошкент шаҳри ёки унга яқин ҳудудда истиқомат қилиш, Kun.uz'нинг Тошкент шаҳридаги офисига келиб ишлаш;

• вақти-вақти билан хорижга хизмат сафарлари учун чиқиш имкониятига эга бўлиши лозим.

Соҳасидан қатъи назар, инглиз тили фаолиятининг асосини ташкил этувчи меҳнат тажрибасига эга номзодларга устуворлик берилади.

Kun.uz қуйидагиларни таклиф этади:

• рақобатбардош ойлик маош;

• расмий меҳнат шартномаси;

• офисда бепул тушлик;

• касбий ривожланиш учун имкониятлар.

Номзодлардан ўзи ҳақида эркин тарзда ёзилган маълумотларни Тelegram'даги @kunuzkadr манзилига юбориш сўралади. Кадрлар бўлими танлаб олинган номзодлар билан телефон орқали боғланади.