Қўшимча функционаллар
-
Тунги кўриниш
Блогер Дадахон Ҳайдаров озод этилди
Сўх туманида юз берган оммавий тартибсизликларда иштирок этганликда гумон қилиниб шу йилнинг 22 августидан буён ушлаб турилган блогер Ҳайдаржон Бобоҳайдаров (Дадахон Ҳайдаров) бугун – 2 сентябрь куни озодликка чиқарилган. Бу ҳақида унинг адвокати Ҳамидахон Абдуназарова Kun.uz’га маълум қилди.
Адвокатнинг маълум қилишича, ҳимояси остидаги шахсни жиноят ишида айбланувчи тариқасида жалб этиш ва эҳтиёт чораси сифатида қамоққа олиш учун етарли асослар бўлмаган. Шу сабабдан у тергов органининг қарори билан қўйиб юборилган
Эслатиб ўтамиз, май ойида Сўх туманида бўлиб ўтган оммавий тартибсизликлар ортидан қўзғатилган жиноят иши доирасида бир неча киши ҳибсга олингани ҳақида хабар берилганди.
Кейинчалик улар орасида бош вазир билан учрашувда вилоят ҳокими Шуҳрат Ғаниевнинг истеъфосини сўраган блогер Ҳайдаржон Бобоҳайдаров ҳам борлиги маълум бўлди.
29 август куни Gazeta.uz сайтида эълон қилинган материалда блогернинг отаси ўғли 22 август куни вертолётда «бошига қоп кийдириб» олиб кетишгани ҳақида айтди.
30 август куни ижтимоий тармоқларда блогернинг онаси Азиза Эралиева видеомурожаат қилиб, президентдан фарзандини афв этишни сўради.
31 август куни Бош прокуратура Ҳайдаржон Бобоҳайдаровнинг ҳибсга олингани ҳақида ахборот берди. Унда Бобоҳайдаров жиноят иши бўйича гумон қилинувчи тариқасида ишга жалб қилиниб, Жиноят процессуал кодексининг 226-моддаси (ушлаб турилганларни сақлаш жойлари) тартибида ушлангани айтилди.
Мавзуга оид
15:48 / 06.10.2024
“Йилига 300-400 млн сўм даромад оламан” – асалари боқиб тирикчилик қилаётган сўхлик Асалбек ака
20:32 / 26.02.2024
«Бу ерга келиб, ҳам уй-жойли, ҳам автомашинали бўлдим» — Сўхга бориб ишлаётган шифокор
13:03 / 23.01.2024
“Бадбўй ҳидидан нафас оляпмиз” – Сўхда канализация суви ариққа оқмоқда
11:15 / 25.10.2023