ZEEKR Tashkent International Auto Show 2025 да электромобилларнинг бешта моделини тақдим этди

22–24 октябрь кунлари “CAEx Uzbekistan” халқаро кўргазмалар марказида автомобиль бозорига бағишланган Марказий Осиёдаги энг йирик тармоқ тадбири – Tashkent International Auto Show 2025 (TIAS 2025) бўлиб ўтди. Енгил автомобиллар ишлаб чиқарувчилари ва дилерларининг етакчи кўргазмаси Марказий Осиё минтақасидаги етказиб берувчилар, инвесторлар ва дистрибюторларни бирлаштиради.

Кўргазманинг асосий қатнашчиларидан бири ZEEKR – Geely Holding Group бошқаруви остидаги интеллектуал электромобилларнинг премиал бренди бўлди. Бренд Ўзбекистон бозорида 2024 йил март ойида расман тақдим этилган ва ўтган давр мобайнида автоҳаваскорлар эътирофини қозонишга улгурди. TIAS 2025 да ZEEKR бир вақтнинг ўзида бешта моделни тақдим этди:

ZEEKR 001, беш эшикли премиал спорт электромобили;

ZEEKR X, нафис дизайн ва интеллектуал салонга эга ихчам шаҳар йўлтанламаси;

ZEEKR 7X, ўз ичида тенгсиз қулайлик ва жўшқинликни уйғунлаштирган ҳашаматли электр йўлтанламас;

ZEEKR 007GT, қулайлик ва футуристик дизайннинг идеал мувозанатига эга универсал автомобиль;

ZEEKR 009, ҳашаматнинг янги уфқларини очувчи тўлиқ электр минивэн.

ZEEKR мижозларга янада ақлли, қулай ва экологик тоза ечимларни таклиф этишга интилиб, моделлар қаторини кенгайтириш, технологияларни такомиллаштириш ва фойдаланувчи тажрибасининг сифатини ошириш устида мунтазам иш олиб бормоқда.

Масалан, компания хавфсиз ва қулай автоном сафарларни таъминлашда ҳам аппарат, ҳам дастурий муҳандислик алоҳида аҳамиятга эга деб ҳисоблайди. Шу сабабли ZEEKR’нинг энг янги ишланмаларидан бири — бу NVIDIA DRIVE AGX Thor базасида яратилган бошқаришнинг интеллектуал контроллери бўлиб, у интеллектуал бошқаришнинг турли сценарийларини кўриб чиқиб, машинани автоматик жойлаштириш функциясини таъминлай олади.

Бундан ташқари, ZEEKR, навигациядан тортиб то мусиқа ва овозли бошқарувгача — автомобилдаги мультимедиа тизимларидан фойдаланишни янада қулай ва бутун дунёдаги мижозлар учун жозибали қилиш мақсадида, Qualcomm Technologies Inc. компанияси билан ҳамкорликни кенгайтириш ҳақида эълон қилди. Янги, янада қудратли Qualcomm чипларига эга ZEEKR автомобиллари юқори энергия самарадорлигини сақлаган ҳолда, ҳайдовчи ва йўловчиларни рақамли тизимлардан фойдаланишнинг янада илғор даражаси билан таъминлайди.

Ўзбекистон бозорида ZEEKR каби технологик илғор ва истиқболли бренд фаолиятининг мустаҳкамланиши — бутун мамлакат автомобиль тармоғининг ривожланишидаги муҳим қадамдир. Компаниянинг TIAS 2025 даги иштироки жаҳон ишлаб чиқарувчиларининг минтақагa қизиқишини намоён этибгина қолмай, мамлакат экологик тоза транспорт соҳасидаги глобал тенденцияларнинг бир қисмига айланаётганини ҳам исботлайди. Бу эса, ўз навбатида, истеъмолчилар, ҳамкорлар ва замонавий транспорт экотизими учун янги имкониятларни очади.

Сайт: zeekr-cars.uz

Instagram: @zeekr.uzb