Kun.uz «Мега Танлов» ғолибларини аниқлади

Kun.uz сайти октябрь ойида телеграмдаги каналида умумий жамғармаси 15 миллион сўм бўлган ютуқли танловга старт берганди. Ижтимоий тармоқ фойдаланувчилари ушбу танловда фаол қатнашишди ва жами 256 минг 826 нафар иштирокчидан 120 минг 71 нафар киши эълон қилинган шартларни тўлиқ бажарди.

Танлов якунида компьютерда рандом усули орқали уч нафар ғолиб аниқланди.

Таҳририят ғолибларнинг икки нафари билан боғланди. 

Дастлаб № 21606 рақам эгаси Малика Саидовага ушбу танловда ғолиб чиқиб, 5 миллион сўм миқдоридаги ютуққа эга бўлгани хабари етказилди. 

№199805 рақам эгаси Ойгул Хожиева билан ҳам суҳбатлашдик. Бу ғолибимиз Сирдарё вилояти Ховос туманида истиқомат қилар экан. У ютуқни ўқиши учун контракт пули сифатида тўламоқчи.

Ҳозирча учинчи ғолиб билан боғланишнинг имкони бўлмаяпти. Тез орада бу омадли инсон билан ҳам боғланиб, хушхабарни етказишга ҳаракат қиламиз. 

Тез орада барча ғолибларга ютуқлар топширилади. Уларнинг ҳар бири 5 миллион сўмдан пул мукофоти олишади. Шу ўринда, конкурсда иштирок этган бошқа муштарийларимизга ҳам миннатдорчилик билдирамиз. 

Kun.uz’дан узоқлашманг, бу ҳали ҳаммаси эмас. Бизда бундай танловлар яна ўтказилади. Канални кузатишда давом этинг.