Тошкентда аёллар «бурқа»сини кийиб юрган йигит 15 суткага қамалди
Шунингдек, суд 22 ёшли ҳуқуқбузарга 3 млн 400 минг сўм жарима ҳам белгилади.

Тошкент шаҳрининг «Чорсу» бозорида аёллар «бурқа»сини кийиб юрган йигитга суд томонидан жарима ва 15 сутка қамоқ жазоси тайинланди. Унда суд ҳукми устидан 10 кун ичида апелляция шикоятини бериш ҳуқуқи бор.
Kun.uz таҳририятида мавжуд суд ҳукми нусхасида қайд қилинишича, 19 июн куни 22 ёшли П.Б. «Чорсу» бозори олдида шахсни идентификация қилиш имконини бермайдиган даражада юзини тўсиб юрган. У ички ишлар органлари ходимлари томонидан тўхтатилиб, шахсини аниқлаш ва ҳолат юзасидан ҳужжатларни расмийлаштириш мақсадида ИИБ биносига таклиф этилган. Аммо йигит қонуний талабларни бажаришдан бош тортиб, ходимларнинг хизмат фаолиятига фаол қаршилик кўрсатган.
20 июн куни Жиноят ишлари бўйича Шайхонтоҳур туман судида унга қарши очилган маъмурий иш кўриб чиқилди. П.Б. судда ёшлигидан аёллар кийимига қизиққани сабабли бозор атрофида «бурқа» номли аёллар кийимини кийиб юрганини тасдиқлаган.
Суд йигитни Маъмурий жавобгарлик тўғрисидаги кодекснинг 184(4)-моддаси (Жамоат жойларида шахсини идентификация қилиш имконини бермайдиган кўринишда бўлиш) ҳамда 195-моддасида (Ички ишлар органлари ходимларининг ўз хизмат бурчларини бажаришларига қаршилик кўрсатиш) назарда тутилган ҳуқуқбузарликларни содир этган деб топди.
Ҳуқуқбузарга БҲМ 10 баравари (3 млн 400 минг сўм) миқдорида жарима ва 15 сутка маъмурий қамоқ жазоси тайинланди. Унда суд ҳукми устидан 10 кун ичида апелляция шикоятини бериш ҳуқуқи бор.
Тавсия этамиз
Сўнгги янгиликлар
-
АҚШ кейинги 100 кун ичида Россия ва Украина ўртасида музокаралар ўтказишга уриниб кўради
Жаҳон | 23:22
-
Саида Мирзиёева Шайх Зоид номидаги «Инсоний биродарлик» нуфузли мукофотининг халқаро ҳакамлар ҳайъати таркибига киритилди
Ўзбекистон | 22:33
-
Қозоғистонда Каспий денгизи соҳилидан 80 дан ортиқ ўлик тюленлар топилди
Жаҳон | 22:20
-
Хивада замонавий туризм мажмуаси — «Арда Хива» очилди
Ўзбекистон | 22:15
Мавзуга оид

16:17
Тошкентда Хотира кунига бағишлаб 2000 киши иштирокида марафон ўтказилади

10:24
Тошкентда ёнғин оқибатида икки киши ҳалок бўлди. Бу охирги ҳафтадаги учинчи йирик ёнғин

17:21 / 30.04.2025
Тошкентнинг Шайхонтоҳур тумани ҳокимлиги биноси сотувга қўйилди

07:59 / 30.04.2025