Саудияда Қурбон ҳайити санаси эълон қилинди

Саудия Арабистони расмийлари чоршанба куни Зулҳижжа ойининг ҳилоли кўринганини маълум қилди. Унга кўра, Саудия Арабистонида Қурбон ҳайити 27 майга тўғри келиши эълон қилинди.

Қайд этилишича:

18 май, душанба — Зулҳижжа ойининг биринчи куни;

26 май, сешанба — Арафа куни;

27 май, чоршанба — Қурбон ҳайити.

Ўзбекистон Мусулмонлари идорасининг Kun.uz'га маълум қилишича, Ўзбекистонда кузатиш хулосалари ва ўрганишлар натижалари тақдим этилади, шундан кейин байрам санаси бўйича қарор қабул қилинади.

Ўзбекистонда ҳайит муносабати билан кетма-кет 5 кун дам бўлади.