UZCARD ва Mastercard Ўзбекистонда рақамли тўловларни ривожлантириш бўйича ўзаро англашув меморандумини имзолади

Самарқанд, Ўзбекистон — “Ягона Умумреспублика Процессинг Маркази” АЖ (UZCARD савдо белгиси) ва тўловлар соҳасидаги глобал технологик компания Mastercard Ўзбекистонда тўлов инфратузилмаси ва рақамли молиявий хизматларни янада ривожлантиришга қаратилган ўзаро англашув меморандуми (MoU) имзоланганини эълон қилди.

Меморандумнинг имзоланиши Самарқанд шаҳрида, молия сектори ва технология индустрияси етакчиларини бирлаштирган халқаро тадбир — Осиё тараққиёт банки (Asian Development Bank, ADB) Бошқарувчилар кенгашининг 59 йиллик йиғилиши доирасида бўлиб ўтди.

Ҳужжат томонларнинг бир қатор устувор йўналишлар бўйича ҳамкорликни ривожлантириш ниятларини мустаҳкамлайди. Улар қаторига тўловларни қабул қилиш имкониятларини кенгайтириш, трансчегаравий операцияларни ривожлантириш, fintech соҳасида қўшма ташаббусларни йўлга қўйиш, шунингдек, рақамли тўловларнинг қулайлиги ва хавфсизлигини оширишга қаратилган замонавий технологик ечимларни жорий этиш киради.

Ҳамкорлик доирасида киберхавфсизлик ва фирибгарликнинг олдини олиш масалаларига, шунингдек, аҳоли ва бизнес субъектлари ўртасида хавфсиз ҳамда қулай нақд пулсиз тўловлардан фойдаланишни кенгайтиришга алоҳида эътибор қаратилади.

«Ўзбекистон рақамли иқтисодиётни ривожлантиришда юқори суръатларни намоён этмоқда ва бунда замонавий тўлов инфратузилмаси муҳим рол ўйнайди», — деди Mastercard’нинг Шарқий Европа бўйича минтақавий президенти Ясемин Бедир. «UZCARD’нинг маҳаллий бозордаги экспертизаси ва қамровини Mastercard’нинг глобал тармоғи, технологиялари ҳамда хавфсизлик ечимлари билан бирлаштирган ҳолда, биз фойдаланувчилар ва бизнес учун рақамли иқтисодиётга кириш имкониятларини кенгайтиришга, янада хавфсиз транзакцияларни таъминлашга, ишончни мустаҳкамлашга ва инновациялар учун янги имкониятлар яратишга интиламиз».

Томонлар, шунингдек, фойдаланувчилар ва бизнес эҳтиёжларига жавоб берадиган замонавий ва барқарор тўлов экотизимини шакллантиришга қаратилган қўшма лойиҳа ва дастурларни амалга ошириш имкониятларини кўриб чиқмоқда.

«Mastercard билан меморандум имзоланиши Ўзбекистон тўлов тизимини ривожлантириш йўлида муҳим қадамдир», — таъкидлади UZCARD Кузатув кенгаши раиси Акбар Акилов. «Ҳамкорлик UZCARD’нинг маҳаллий экспертизаси ва Mastercard’нинг халқаро тажрибасини бирлаштириш орқали замонавий, хавфсиз ва қулай тўлов ечимларини, жумладан, AI воситаларидан фойдаланган ҳолда ривожлантириш, шунингдек, Ўзбекистон ва хориждаги фойдаланувчилар учун нақд пулсиз тўловлар имкониятларини кенгайтиришга хизмат қилади».

IMC-Capital директори, UZCARD акциядор компанияси вакили Азиз Юсупов таъкидлаганидек:

«Мазкур ҳамкорлик барқарор ва келажак чақириқларига тайёр тўлов инфратузилмасини яратишга бўлган узоқ муддатли содиқлигимизни акс эттиради. Ўзбекистон жадал рақамли трансформация даврини бошдан кечирмоқда ва ушбу суръатлар кенгайтириладиган, шаффоф ҳамда халқаро даражада мос келувчи технологик ечимларга таяниши ниҳоятда муҳимдир. Бизнинг мақсадимиз — мамлакат молиявий-технологик инфратузилмасининг глобал стандартларга мувофиқ ривожланишини таъминлаш, бизнес, истеъмолчилар ва умуман иқтисодиёт учун узоқ муддатли қиймат яратишдан иборат».

Меморандум UZCARD ва Mastercard’нинг Ўзбекистонда барқарор ҳамда келажакка тайёр тўлов экотизимини шакллантириш мақсадида узоқ муддатли технологик ҳамкорлик ва экспертиза алмашишга бўлган умумий интилишини акс эттиради.

UZCARD. Қулай яшанг

UZCARD

“Ягона Умумреспублика Процессинг Маркази” АЖ — UZCARD — Ўзбекистон Республикаси ҳудудида тўлов операцияларининг процессингини таъминловчи тўлов тизимидир.

Mastercard

Mastercard дунёнинг 200 дан ортиқ мамлакатида иқтисодиёт ривожига ҳисса қўшади ва инсонлар учун янги имкониятларни кенгайтиради. Mastercard транзакцияларни хавфсиз, содда, интеллектуал ва ҳамма учун очиқ қилиш орқали рақамли тўловларнинг кенг кўламли вариантларини қўллаб-қувватлайди. Компаниянинг технологиялари ва инновациялари, ҳамкорлик алоқалари ҳамда тармоқлари инсонлар, корхоналар ва ҳукуматларга ўз салоҳиятини тўлиқ рўёбга чиқаришга ёрдам берадиган ноёб маҳсулот ва хизматлар мажмуасини тақдим этишга хизмат қилади.

www.mastercard.com

Реклама ҳуқуқи асосида