Yoshlar ishlari agentligi: poytaxtda o‘tkazilayotgan “Toshkent yoshlarni sevadi” shiori ostidagi tadbirlar endi mahallalarda!

Yoshlar ishlari agentligi Toshkent shahar boshqarmasi boshlig‘i Abdulaziz Nazirov 10 dekabr kuni Shayxontohur tumanidagi Sarxumdon mahallasida yoshlar sayli tashkil etilgani, ushbu tadbirlarga qo‘shni Gulobod, Suzuk ota, Chorsu mahallalaridan ham yoshlar kelib, ishtirok etishgani haqida ma'lumot berdi.

Abdulaziz Nazirovning ma'lum qilishicha, yoshlar uchun mahalla darajasida 10 dan ziyod sport tadbirlari, nuroniylar bilan «Uch avlod uchrashuvi», Besh muhim tashabbusga qaratilgan turli ko‘rgazmalar va aksiyalar tashkil etilgan. 

Shuningdek, mahalla aholisi va yoshlar uchun «Yoshlar bayrami» tashkil etilib, ishtirokchilarga unutilmas va takrorlanmas qaynoq kayfiyatni ulashgan.

Yoshlar ishlari agentligi Matbuot xizmati Ⓣ