O‘zbekistonlik ayol Qozog‘iston-Qirg‘iziston chegarasini noqonuniy kesib o‘tdi

Chegarachilar Qirg‘iziston-Qozog‘iston chegarasini Chu daryosi orqali noqonuniy kesib o‘tgan O‘zbekiston fuqarosini qo‘lga oldi. Bu haqda Qirg‘iziston Respublikasi Milliy xavfsizlik davlat qo‘mitasi chegara xizmatiga tayanib 24.kg xabar berdi.

«Chegara nazorati chog‘ida Qozog‘iston hududida, davlat chegara chizig‘iga yaqin joyda «Mersedes» rusumli avtomashina topildi. Shundan so‘ng, chegarachilar chegaraning avtomashinaga qarama-qarshi qismini tekshirdi va Qozog‘istondan Qirg‘iziston hududiga Chu daryosi orqali noqonuniy o‘tgan ayolni qo‘lga oldi. Unda hech qanday hujjat yo‘qligi aniqlandi», deyiladi xabarda.

Chegara xizmatining qayd etishicha, qo‘lga olingan ayol O‘zbekiston fuqarosi, 40 yoshda. Kerakli hujjatlar rasmiylashtirilgach, qo‘lga olingan shaxs qo‘shimcha tergov o‘tkazish va hodisaning barcha holatlarini aniqlash uchun vakolatli organlarga topshirildi.