Ekspert Rossiyadagi mehnat migrantlarining bosh xatosini sanab o‘tdi

Rossiyaga kirib kelgan xorijiy fuqarolar o‘zi istiqomat qilayotgan manzil bo‘yicha qayddan o‘tmasa Rossiya qonunchiligini buzgan bo‘ladi. Bu haqda Rossiya migrantlar federatsiyasi prezidenti Vadim Kojyenov «Govorit Moskva» radiostansiyasi jonli efirida bergan suhbatida.

Ekspert Rosreyestrning yaqinda e’lon qilgan bayonotini sharhlab o‘tdi.

2022 yilning sentabridan boshlab turar joy binosida bir inson uchun ajratilgan minimal maydon 6 kvadrat metrdan katta bo‘lishi kerak. Bu holda mikroulushlarni yaratish, bo‘lish va sotish taqiqlanadi.

Kojyenovning so‘zlariga ko‘ra, bu yangilik mehnat migrantlari uchun joriy etilmaydi. Biroq har bir xorijiy fuqaro o‘zi faktik jihatdan yashayotgan manzilda qayddan o‘tishi shart.

«Bir kvartiraga qancha migrantni qayddan o‘tkazish borasida cheklov yo‘q. Agar u yerga 30 kishi o‘z matraslari, ko‘rpalari va boshqa narsalari bilan sig‘sa — marhamat, qayddan o‘taversin», — degan Kojyenov.

Ekspertning alohida qayd etishicha, «qonunbuzilish holati migrant o‘zi yashamaydigan manzil bo‘yicha qayd etilsa, ya’ni u bir joyda yashab turib, boshqa joyda qayddan o‘tganda ro‘y beradi».

Rostreyestrning yangi tashabbusi esa ko‘chmas mulk sohasidagi ayrim muammolar, jumladan qora rieltorlarga qarshi kurashish maqsadida joriy etilgan, degan Migrantlar federatsiyasi prezidenti.