“O‘zbekistondagi OTMlar qoshida kelajak sohalarni tahlil qilib boruvchi “Forsayt markazlar” ochiladi” – Ibrohim Abdurahmonov
Bugun, 27 aprel kuni AOKA majlislar zalida innovatsion rivojlanish vaziri Ibrohim Abdurahmonov ishtirokida matbuot anjumani o‘tkazildi.
Tadbir davomida Kun.uz muxbiri vazirga O‘zbekistondagi OTMlar qoshida xorijiy davlatlarda bo‘lgani kabi “aql markazlari” nega ochilmasligi borasida savol bilan murojaat qildi.
Ibrohim Abdurahmonovga ko‘ra, O‘zbekistondagi OTMlar qoshida hozircha bunday markazlar yo‘q, ammo tahlil – “Forsayt markazlari” ochish ustida ish olib borilmoqda.
“Universitetlarning ayrimlarida aql markazlarimas-u, lekin tahlil – “Forsayt markazlari” bor.
Forsayt bu — inglizchadan tarjima qilinganda kelajakka nazar, degan ma’noni anglatib, biror bir voqea, jarayon, hodisani bir necha yil oldinga nazar tashlagan holda kelajakdagi holatini ko‘zdan kechirishni nazarda tutadi.
Forsayt orqali turli sohalardagi hozirgi holat, muammolarni aniqlagan holda, uning yaqin va uzoq istiqboliga nazar solib, soha rivojiga hissa qo‘shadigan yechimlar, yo‘nalishlar aniqlanadi.
Hozir bunday markazlar respublikadagi OTMlar qoshida tashkil qilinyapti.
“Aql markazlari”ni xorijda “singtagla” deyishadi. Bu boshqa narsa. Bizda bunday markazlar bor. Masalan, iqtisodiyot bo‘yicha prognozlashtirish markazi yoki vazirligimiz qoshida BMT rivojlantirish dasturi bo‘yicha shunday markaz ishlab turibdi.
Lekin universitetlar qoshida hozir “aql markazlari” yo‘q. “Forsayt markazlari” endi tashkil etilyapti”, – dedi Ibrohim Abdurahmonov.
Mavzuga oid
20:03 / 06.09.2024
“Suvdan ham jiddiyroq muammo – yerning sho‘rlanishi bo‘lyapti” - qishloq xo‘jaligi vaziri
19:57 / 20.01.2024
O‘zbekiston qishloq xo‘jaligi vaziri xalqaro forumda ishtirok etdi
13:37 / 25.10.2023
Qishloq xo‘jaligi vazirligiga yangi rahbar tayinlandi
15:25 / 17.06.2023