«Barselona» Yevropada yana bir ko‘rsatkich bo‘yicha tengsiz bo‘ldi

«Barselona» futbol klubi Ispaniya chempionatining 34-turida «Osasuna»ni yirik hisobda mag‘lub etdi (7:1).

Kataloniyaliklar ushbu g‘alaba tufayli Ispaniya chempionatida bu mavsumda urilgan gollar sonini 101 taga yetkazib olishdi. «Barselona» Yevropada bir mavsum ichida ichki chempionatda 100 ta to‘p urgan birinchi jamoaga aylandi.

Shunisi qiziqki, «Barselona»ning yuzinchi goli penaltidan kiritildi. Unga Xaver Maskerano mualliflik qildi. Bu uning uchun Kataloniya jamoasidagi 7 yil ichida kiritilgan ilk to‘pga aylandi.