Pensioner O‘zbekistondan chiqib ketganda pensiya qanday to‘lanadi?

Pensioner O‘zbekistondan tashqariga chiqib, 3 oydan ortiq vaqt mobaynida mamlakatga qaytib kelmaganida pensiyani to‘lash vaqtincha to‘xtatib turiladi. Bu haqda Pensiya jamg‘armasi matbuot xizmati ma’lum qildi.

«Davlat pensiyalarini tayinlash va to‘lash tartibi to‘g‘risidagi nizom»ga muvofiq bugungi kunda:

• pensioner O‘zbekistondan tashqariga chiqib 3 oydan ortiq vaqt mobaynida O‘zbekistonga qaytib kelmaganida pensiyani to‘lash vaqtincha to‘xtatib turiladi;
• bunda vaqtincha to‘xtatilgan pensiyani to‘lash pensioner O‘zbekistonga qaytib kelgandan so‘ng qayta tiklanadi.
• fuqaro O‘zbekistonga qaytib kelgandan so‘ng olinmay qolgan oylardagi pensiyasining 24 oyligini olish huquqiga ega.

Pensiya puli pensiyani olish maqsadida murojaat etilganidan oldingi 24 oydan oshmagan davr uchun to‘lanadi.