Moskva xiyobonlaridan biri O‘zbekiston birinchi Prezidenti sharafiga nomlanadi

O‘zbekistonning Moskva shahri markazidagi konsulligi va mehmonxonasi yaqinida barpo etilgan xiyobonga O‘zbekiston Respublikasi birinchi Prezidenti Islom Karimov nomi beriladi. Yakimanka tumanidagi xiyobon Bolshaya Polyanka ko‘chasidagi 39-uy va Kazache 1-tor ko‘chasidagi 13-uy oralig‘ida joylashgan, deb xabar qilmoqda Moskva shahri sayti. 

Rossiya va O‘zbekiston fan, siyosat va san'at namoyandalari konsullik yaqinidagi nomsiz xiyobonga Islom Karimov nomini berish tashabbusi bilan Rossiya poytaxti rahbariyatiga murojaat qilishgan. Xabarda yozilishicha, Moskva shahri ma'muriyatining 1 noyabrdagi majlisida mazkur hiyobonga O‘zbekistonning birinchi Prezidenti nomini berish masalasi ham muhokama etilishi kutilmoqda.