Xotira va qadrlash kuni munosabati bilan necha kun dam beriladi?

2025 yil dekabrida imzolangan prezident farmoniga asosan, 2026-yilda haftasiga 5 kun ishlaydigan xodimlar uchun 11 may – dushanba kuni ko‘chirilgan dam olish kuni sifatida belgilangan. Boisi bu yil 9 may – Xotira va qadrlash kuni bayrami haftaning shanba kuniga to‘g‘ri kelmoqda. 

Haftasiga 5 kun ishlaydiganlar shunda ketma-ket 3 kun dam oladi:

• 9 may, shanba – odatiy dam olish kuni;
• 10 may, yakshanba – odatiy dam olish kuni;
• 11 may, dushanba – Xotira va qadrlash kuni munosabati bilan ko‘chirilgan dam olish kuni.

Haftasiga 6 kun ishlaydiganlar esa ketma-ket 2 kun dam oladi:

• 9 may, shanba – Xotira va qadrlash kuni – ishlanmaydigan dam olish kuni;
• 10 may, yakshanba – odatiy dam olish kuni.