Shavkat Mirziyoyev va Sloveniya bosh vaziri Robert Golob qo‘shma bayonotni imzoladi

Lyublyana shahrida bo‘lib o‘tgan muzokaralar yakunida, 22 may kuni prezident Shavkat Mirziyoyev va Sloveniya bosh vaziri Robert Golob qo‘shma bayonot imzoladi.

Shuningdek, O‘zbekiston va Sloveniya o‘rtasida hamkorlik bo‘yicha quyidagi hujjatlar to‘plami imzolandi:

- diplomatik pasport egalarini viza talablaridan ozod qilish to‘g‘risida;

- ta’lim, fan va madaniyat sohalaridagi hamkorlik to‘g‘risida;

- transport va logistika sohasidagi hamkorlik to‘g‘risida;

- «aqlli» shaharlarni boshqarish sohasidagi hamkorlik to‘g‘risida;

- standartlashtirish sohasidagi hamkorlik to‘g‘risida;

- suv resurslarini boshqarish sohasidagi hamkorlik to‘g‘risida;

- turizm sohasidagi hamkorlik to‘g‘risida bitimlar.