Dam olish kunlari harorat nisbatan ko‘tariladi

Dam olish kunlari O‘zbekiston hududining katta qismida iliq va asosan quruq ob-havo saqlanib turadi.

Havo harorati asta-sekin ko‘tariladi va 20 oktyabrga kelib kechasi +10…+12 darajani, kunduz kuni +25…+28 darajani tashkil etadi.

Faqat 19 oktyabrda Qoraqalpog‘iston Respublikasining ayrim joylarida yomg‘ir yog‘ishi mumkin. 20 oktyabrda esa yomg‘ir Qoraqalpog‘iston Respublikasi va Xorazm viloyatida ba’zi joylarda yog‘adi.

Shamol 7–12 metr/soniya tezlikda esadi, shimolda va cho‘l hududlarda 13−18 m/s gacha kuchayishi mumkin.

Toshkent shahrida havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqdan 3–8 metr/soniya tezlikda esadi.

Harorat 19 oktyabrda kechasi +6…+8, kunduzi +23…+25, 20 oktyabrda kechasi +9…+11, kunduzi +25…+27 daraja bo‘ladi.