Shavkat Mirziyoyev: «Ayollarning kayfiyati yaxshi bo‘lsa, oilaning, mahallaning, umuman, vatanimizning kayfiyati yaxshi bo‘ladi»

«Maxsus rakurs» ko‘rsatuvida xabar qilinishicha, davlat rahbari fabrika faoliyatini ko‘zdan kechirish jarayonida yo‘l-yo‘lakay ro‘para kelgan har bir kishi bilan salomlashib, so‘rashib bordi. 

«Kayfiyatlaring yaxshimi? Sizlarning kayfiyatlaring a'lo bo‘lsa, mening eng katta baxtim shu. Mana, ayollarga shuncha e'tibor beryapmiz, bu bejiz emas. Sizlarning kayfiyatlaring yaxshi bo‘lsa, oilaning kayfiyati yaxshi bo‘ladi, oilaniki bo‘lsa - mahalla, mahalla bo‘lsa - tumanniki, umuman, vatanimizning kayfiyati yaxshi bo‘ladi», - dedi Shavkat Mirziyoyev.

Davlat rahbari mutasaddilarga xomashyoni qayta ishlashni chuqurlashtirib, tayyor mahsulotlar turini ko‘paytirish, eng muhimi, bozor topish zarurligini ta'kidladi.