O‘zbekistonlik bokschilar Polshadagi jahon chempionatida 10ta medalni qo‘lga kirib, uchinchi o‘rinni egallashdi

Turnirda o‘zbekistonlik sportchilardan 4 nafari final bahslarida ishtirok etdi.

23 aprel kuni erkaklar o‘rtasidagi final bahslarida dastlab -52 kg vazn toifasida Shahzod Muzaffarov rossiyalik Yevgeniy Rojovga qarshi jang o‘tkazdi va 3:2 hisobida g‘alaba qozondi.

Shundan so‘ng, +91 kg vazn toifasida Jahongir Zokirov ham armanistonlik Ovanes Papazyanga qarshi final bahsini muvaffaqiyatli o‘tkazib, terma jamoa hisobiga navbatdagi oltin medalni taqdim qildi.

Bundan oldinroq qizlar o‘rtasidagi final bahslarida -54 kg vazn toifasida O‘zbekiston sharafini himoya qilgan Nigina O‘ktamova jahon chempionligini qo‘lga kiritgani, u o‘zbekistonlik ayol bokschilar o‘rtasida ilk jahon chempioni bo‘lgani xabar qilingandi.

Jahon birinchiligiga O‘zbekiston jamoasi 18 bokschi bilan borgandi (10 o‘g‘il va 8 qiz), turnir yakunlariga ko‘ra 3 oltin, 1 kumush va 7 bronza medal qo‘lga kiritildi. Barcha sovrindorlar:

• Shahzod Muzaffarov (-52 kg), Jahongir Zokirov (+91 kg) va Nigina O‘ktamova (-54 kg) — «oltin»;
• Mohinabonu Abdullayeva (-64 kg) — «kumush»;
• A'loxon Abdullayev (-69 kg), Shohjahon Abdullayev (-81 kg), Sitora Turdibekova (-57 kg), Dilfuza Bekova (-60 kg), Hadichabonu Abdullayeva (-69 kg) va Sohiba Ro‘zmetova (-75 kg) — «bronza».

O‘zbekiston jami medallar jamg‘armasi bo‘yicha Hindiston va Rossiyadan keyin uchinchi bo‘ldi.