Madrasalar bitiruvchilarining boshqa sohalarga ketishiga yo‘l qo‘ymaslik lozim – Putin

Rossiya prezidenti Vladimir Putin madrasalar bitiruvchilariga mos ish taklif qilib, ularning boshqa sohalarga ketishiga yo‘l qo‘ymaslik lozimligini aytdi.

“Madrasalar bitiruvchilari boshqa sohalarga o‘tib ketmasliklari, kerakli joyga borib ishlashlari lozim”, deb aytgan Putin Tataristonning sobiq prezidenti Mintimer Shaymiyev bilan uchrashuv vaqtida.

Putin va Tataristonning amaldagi rahbari Rustam Minnixanov shifoxonada davolanayotgan Shaymiyevni yo‘qlashdi. 

Putin, shuningdek, islom ta'lim muassasalarining rivojlanayotganini ta'kidlab o‘tdi. Shaymiyevning aytishicha, ularda magistratura ham, aspirantura ham bor, talabalar to‘laqonli oliy ma'lumot olishlari mumkin. “Qalb quvnaydi. Hammasi biz rejalashtirgandek ketmoqda: yaxshi kadrlar paydo bo‘lmoqda. Albatta, bu loyihani yanada kengaytirish haqida o‘ylab ko‘ramiz”, deb aytgan Putin.  

Putin, shuningdek, 24 yanvarda Rossiya musulmonlari markazlashtirilgan diniy tashkilotlari muftiylari va Bolgar islom akademiyasi rahbarlari bilan uchrashgan.