Toshkentdagi Britaniya menejment universiteti va Kembrij universitetining Kavendish laboratoriyasi o‘rtasida muhim akademik hamkorlik o‘rnatildi

Fizika sohasidagi kashfiyotlari va innovatsiyalariga boy tarixi bilan mashhur Kembrij universitetining Kavendish laboratoriyasi 2026 yil 17 aprelda Toshkentdagi Britaniya menejment universiteti (BMU) bilan shartnoma imzoladi. Shartnomaning maqsadi — O‘zbekistondagi yetakchi xususiy universitet bilan Kembrij universitetining Kavendish laboratoriyasi kabi jahon miqyosidagi ilmiy-tadqiqot muassasasi o‘rtasida akademik hamkorlikning yangi tizimini yaratishga qaratilgan boshlang‘ich tashabbusni ishga tushirishdan iborat. Bu Kembrij universiteti bilan O‘zbekistondagi biror universitet o‘rtasida imzolangan shu turdagi birinchi rasmiy kelishuvdir.

2020 yilda tashkil etilgan BMU — O‘zbekistonning yetakchi xususiy universiteti bo‘lib, u yuqori sifatli britan ta’limini taqdim etish, puxta akademik tadqiqotlarni rivojlantirish, shuningdek, innovatsiya, tadbirkorlik va xalqaro hamkorlikni qo‘llab-quvvatlashga yo‘naltirilgan. Uning missiyasi Kembrij universitetining bilimlarni rivojlantirish, ilmiy yuksaklik va global hamkorlikka sodiqligi bilan uyg‘unlashadi.

Ushbu hamkorlik muhim ahamiyatga ega, chunki u talabalar va professor-o‘qituvchilar almashinuvi uchun yangi yo‘llar ochish, sun’iy intellekt uchun materiallar, sog‘liqni saqlash va barqaror kelajak kabi yo‘nalishlarda qo‘shma tadqiqotlarni rivojlantirish, shuningdek, resurslarni boshqarish, texnologiya siyosati, o‘qitish va salohiyatni oshirish tashabbuslari doirasidagi imkoniyatlarni o‘rganish salohiyatiga ega. BMUʼning dinamik va xalqaro yo‘naltirilgan akademik muhitini Kembrijning ilmiy yetakchilik va global ta’sir an’analari bilan birlashtirgan holda, ushbu shartnoma Markaziy Osiyo oliy ta’limi uchun o‘zgartiruvchi qadam bo‘lib, Buyuk Britaniya muassasalari va ularning O‘zbekistondagi hamkorlari o‘rtasidagi kelgusi sheriklik aloqalari uchun namuna bo‘ladi.

Tashabbus professor Siddxart S. Saksena rahbarligidan bahramand bo‘ladi; uning e’tirof etilgan akademik faoliyati Kavendish laboratoriyasi va Markaziy Osiyoni bir-biriga bog‘laydi, zero u ushbu tarixiy hamkorlikka O‘zbekistonning ilmiy va ta’lim sohasi bilan o‘nlab yillik hamkorlik tajribasini olib keladi. Kavendish laboratoriyasining ilmiy-tadqiqot professori va Kembrij Markaziy Osiyo forumining direktori sifatida professor Saksena O‘zbekistonda ko‘plab loyihalarni, jumladan, BMU bilan birgalikda ilmiy-tadqiqot salohiyatini oshirish bo‘yicha seminarlarni tashkil etishga allaqachon rahbarlik qilgan. Uning sa’y-harakatlari O‘zbekiston davlat mukofotlari bilan taqdirlangan bo‘lib, bu mintaqaviy akademik rivojlanishga bo‘lgan barqaror sadoqatining yorqin in’ikosidir.

Ushbu tashabbus, shuningdek, Kavendish laboratoriyasi rahbari va butun dunyoda tan olingan kvant fizigi professor Mete Atature rahbariyati tomonidan qo‘llab-quvvatlandi, uning kvant materiallari va xalqaro tadqiqot tarmoqlari sohasidagi tajribasi hamkorlikning ilmiy kun tartibini shakllantirishga yordam beradi. BMU tomonidan qo‘shma dasturlarning samarali va natijaviy amalga oshirilishini rektor, universitet boshqaruvi va xalqaro hamkorlik bo‘yicha ekspert professor Yuriy Loktionov nazorat qiladi — u jahon oliy ta’limi va moliya sohasidagi keng qamrovli tajribasiga tayanadi.

Tarix va kontekst

Kembrij universitetining Kavendish laboratoriyasi va Toshkentdagi Britaniya menejment universiteti o‘rtasida akademik hamkorlik to‘g‘risidagi shartnomaning rasmiy imzolanishi Markaziy Osiyoda oliy ta’limning xalqarolashuvidagi muhim burilish nuqtasi hisoblanadi. Ushbu hamkorlik nafaqat Kembrij uchun O‘zbekistonda birinchi bo‘lmoqda, balki Birlashgan Qirollik va tez sur’atlar bilan ta’lim islohotlari hamda modernizatsiyani amalga oshirayotgan O‘zbekiston o‘rtasidagi akademik aloqalarning chuqurlashishi bo‘yicha keng miqyosdagi tendensiyadan ham dalolat beradi.

Kavendish laboratoriyasi: ilmiy yuksaklik tarixi

1874 yilda tashkil etilgan Kavendish laboratoriyasi (Fizika kafedrasi) 150 yildan ortiq vaqt davomida fizika tadqiqotlari sohasida yetakchilik qilib kelmoqda. Uning bitiruvchilari va professor-o‘qituvchilari 36 ta Nobel mukofoti bilan taqdirlangan — bu mukofotlar elektron va neytron kashfiyotidan tortib DNK tuzilmasini aniqlash va kvant materiallarini ishlab chiqishgacha bo‘lgan yutuqlarni qamrab oladi. Laboratoriyaning innovatsiyalarga bo‘lgan madaniyati va xalqaro hamkorlikka ochiqligi uni ilmiy iste’dodlar uchun jozibador markazga va global tadqiqot tarmoqlarining yetakchisiga aylantirdi.

Kavendish laboratoriyasida ishlagan Nobel mukofoti sovrindorlari qatorida lord Reyli, J. J. Tomson, Ernest Rezerford, Frensis Krik, Jyeyms Uotson, Doroti Xojkin, Brayan Jozefson, shuningdek, so‘nggi yillarda — Dide Kelos, Jon Jamper va Jon Klark bor. Ularning yutuqlari Laboratoriyaning fanga bo‘lgan doimiy ta’sirini va butun dunyo bo‘ylab istiqbolli tadqiqotchilar uchun yo‘l ko‘rsatuvchi mayoq sifatidagi rolini yaqqol namoyish etadi.

Toshkentdagi Britaniya menejment universiteti: xususiy oliy ta’limning yangi modeli

BMU 2020 yilda O‘zbekiston hukumatining oliy ta’lim sohasini xalqarolashtirish va modernizatsiya qilish yo‘nalishidagi sa’y-harakatlari doirasida tashkil etilgan. Xususiy tadqiqot universiteti sifatida BMU Reding universiteti va Qirolicha Margaret universiteti kabi Buyuk Britaniya muassasalari, shuningdek, Diplomli sertifikatlangan buxgalterlar assotsiatsiyasi (ACCA) kabi xalqaro kasbiy tashkilotlar bilan hamkorlikda Britaniya akkreditatsiyasiga ega dasturlarni taklif etadi hamda talabalariga qo‘shaloq diplomlar va jahon akademik standartlaridan foydalanish imkonini beradi.

BMUʼning missiyasi — raqamli iqtisodiyot sharoitida barqaror o‘sishni ta’minlash uchun boshqaruv mahoratini, texnologik ko‘nikmalarni va axloqiy qarashlarni o‘zida mujassam etgan jahon darajasidagi ta’limni taqdim etish orqali kelajakka tayyor biznes-rahbarlarni tarbiyalashdir. Universitetning jadal o‘sishi, xalqaro professor-o‘qituvchilar tarkibi, shuningdek, tadqiqot va innovatsiyalarga bo‘lgan sodiqligi uni O‘zbekiston ta’lim tizimidagi o‘zgarishlarning yetakchi kuchlaridan biriga aylantirdi
 

Manzil: Mirzo-Ulug‘bek tumani, Mirzo Bobur ko‘chasi, 35-uy.

E-mail | Sayt | Telegram | Instagram | Facebook | LinkedIn

Reklama huquqi asosida