Hozirgi epidemiologik vaziyatda Britaniya Menejment Universitetida (British Management University) matematikadan kirish imtihonini onlayn tarzda topshirish mumkin. Buning uchun BMU veb-saytida (www.bmu-edu.uz) ekranning pastki o‘ng burchagida Apply Now tugmasini bosish orqali ro‘yxatdan o‘tishingiz kerak.
IELTS (yoki unga ekvivalent: TOEFL, Pearson, Duolingo) yo‘q bo‘lsa ham, matematikadan imtihon topshirsa bo‘ladi, bu sertifikatni keyinroq yuklab qo‘yishingiz mumkin. IELTS topshirishga ulgurmagan abituriyentlarga BMU ingliz tili imtihonini onlayn tarzda topshirish, shu jumladan, til egalari bilan Zoom intervyulari berish imkoniyati bor.
Matematika bo‘yicha test sinovlaridan (≥ 50%) va ingliz tili (IELTS ≥ 5.5 yoki BMU ingliz tili imtihoni ≥ 60%) hamda intervyulardan muvaffaqiyatli o‘tgan abituriyentlarga ikki haftadan ko‘p bo‘lmagan muddat ichida universitetga kirish to‘g‘risida (Offer Letter) xabarnoma yuboriladi.
Kirish imtihonlari jadvali
BMU matematika imtihoni — ONLAYN (har chorshanba kuni soat 10:00da)
Test sinovlari soat 10:00da abituriyentning shaxsiy kabinetida (ro‘yxatdan o‘tganidan keyin) o‘tkaziladi.
BMU matematika imtihoni — OFLAYN: (har shanba soat 10:00da)
Test sinovlari soat 10:00da universitet binosida, Toshkent shahri, Shayxontohur tumani Sebzor ko‘chasi, 22A uyda o‘tkaziladi.
BMU ingliz tili bo‘yicha imtihon — ONLAYN va OFLAYN (2 avgustdan)
Onlayn imtihonlarni ingliz tilida topshirish haqida batafsil ma’lumot BMU matematika imtihonini topshirgandan so‘ng abituriyentlarga taqdim etiladi.
Grantlar va stipendiyalar
100 foizlik to‘liq grantlar kam ta’minlangan oilalardan akademik qobiliyatga ega bo‘lgan abituriyentlarga beriladi. Ularni olish uchun siz ijtimoiy-iqtisodiy vaziyat holatini tasdiqlovchi hujjatlarni taqdim etishingiz kerak (mahalladan ma’lumotnoma). Insho yozing va grant komissiyasining suhbatidan o‘ting. 50 foizlik grantlar 7,0 yoki undan baland IELTS olgan, matematika imtihonidan yuqori natija ko‘rsatgan va grant komissiyasi suhbatidan o‘tgan abituriyentlarga taqdim etiladi.
Bugungi kunda universitet hozirgi 4 yillik o‘quv davri davomida talabalarga 4 milliard so‘m miqdorida grant va stipendiyalar ajratmoqda.
