McDonalds Hindistondagi 170 ga yaqin restoranini yopadi

Amerikaning dunyoga mashhur fastfud restoranlari egasi McDonalds kompaniyasi Hindistondagi 169 ta restoranini yopishga qaror qildi. Bunga franchayzing kompaniyasi va fastfud tarmog‘i rahbariyati o‘rtasidagi kelishmovchilik sabab bo‘lgan.

Shunday qilib, franshiza kelishuvi bekor qilingani sababli Shimoliy va Sharqiy Hindistondagi ovqatlanish shoxobchalari yopiladi, deb xabar qilmoqda AP.

Kompaniya rahbariyatining qayd etishicha, uning hamkori Connaught Plaza Restaurants franchayzing kelishuvi shartlarini buzgan, shu munosabat bilan kompaniyalar o‘rtasida hamkorlikni davom ettirish imkonsiz deb topildi.  

Xabar qilinishicha, "Makdonalds" Shimoliy Hindistonda faoliyatini qayta tiklash uchun yangi hamkor qidirmoqda. Ta'kidlanishicha, bu holat mamlakatning boshqa hududlaridagi ushbu fastfud restoranlari faoliyatiga ta'sir qilmaydi.