Qoʻshimcha funksionallar
-
Tungi ko‘rinish
Bir qator yirik soliq to‘lovchilarning davlat budjetidagi ulushi qisqaradi
2024 yil prognoz ko‘rsatkichlari bilan taqqoslaganda, keyingi yilda davlat budjeti tushumlarida OKMKning ulushi 5,8 foizdan 5,2 foizga, “O‘zbekneftgaz”ning ulushi 2,5 foizdan 1,5 foizga, Buxoro neftni qayta ishlash zavodi ulushi 0,4 foizdan 0,2 foizgacha, Uz-Kor Gas Chemical MChJning ulushi 0,3 foizdan 0,1 foizga pasayishi kutilyapti.
Foto: “O‘zbekneftgaz” matbuot xizmati
Iqtisodiyot va moliya vazirligi "Fuqarolar uchun budjet" nashrining keyingi yil uchun ishlab chiqilgan loyihasini e’lon qildi.
2025 yilda davlat budjeti daromadlarining qariyb to‘rtdan bir qismi OKMK va NKMK hissasiga to‘g‘ri kelishi kutilmoqda. Bu ikki kombinatning budjet shakllanishidagi o‘rni 22,9 foiz bo‘lishi prognoz qilingan.
2023-2025 yillarda yirik soliq to‘lovchilarning davlat budjeti tushumlaridagi ulushining prognoz ko‘rsatkichlari quyidagicha o‘zgargan (raqamlar – foiz ko‘rsatkichlari):
| Yirik soliq to‘lovchilar | 2023 yil | 2024 yil | 2025 yil |
| Navoiy kon-metallurgiya kombinati | 14,8 | 12,4 | 17,7 |
| Olmaliq kon-metallurgiya kombinati | 8,1 | 5,8 | 5,2 |
| "Hududgazta’minot" | 1,2 | 1,3 | 1,5 |
| "O‘zbekneftgaz" | 1,8 | 2,5 | 1,5 |
| "UzGasTrade" | 1,4 | ||
| "UzAuto Motors" | 0,9 | 1 | 1,3 |
| "Navoiyuran" | 1,2 | ||
| "UzBAT" | 1,1 | 1 | 0,9 |
| "O‘ztransgaz" | 1,7 | 0,4 | 0,4 |
| "Issiqlik elektr stansiyalari" | 0,2 | ||
| Buxoro neftni qayta ishlash zavodi | 0,6 | 0,4 | 0,2 |
| "Hududiy elektr tarmoqlari" | 0,1 | ||
| "O‘zbekiston metallurgiya kombinati" | 0,4 | 0,3 | 0,1 |
| Uz-Kor Gas Chemical | 0,6 | 0,3 | 0,1 |
2024 yil prognoz ko‘rsatkichlari bilan solishtirganda, davlat budjeti tushumlarida OKMKning ulushi 5,8 foizdan 5,2 foizga, "O‘zbekneftgaz"ning ulushi 2,5 foizdan 1,5 foizga, "Buxoro neftni qayta ishlash zavodi"ning ulushi 0,4 foizdan 0,2 foizgacha, Uz-Kor Gas Chemical MChJ ulushi esa 0,3 foizdan 0,1 foizgacha, "O‘zbekiston metallurgiya kombinati"ning ulushi 0,3 foizdan 0,1 foizgacha, "UzBAT" ning ulushi esa 1 foizdan 0,9 foizgacha pasayadi.
O‘z navbatida, davlat budjeti tushumlarida NKMKning ulushi 12,4 foizdan 17,7 foizgacha, "UzAuto Motors"ning ulushi 1 foizdan 1,3 foizgacha, "Hududgazta’minot"ning ulushi esa 1,3 foizdan 1,5 foizgacha oshishi kutilyapti.
Mavzuga oid
23:10 / 22.11.2024
Maldiv orollari turistlardan undiriladigan soliqlarni keskin oshiradi
23:36 / 20.11.2024
Britaniyalik fermerlar yangi meros solig‘i bekor qilinishini talab qilib, norozilik namoyishi o‘tkazdi
12:40 / 19.11.2024
2025 yilda tuman va shaharlar budjetlari 1,5 barobarga oshadi
14:37 / 18.11.2024