Qrimda yetishtirilgan o‘zbek limoni Moskvada namoyish etildi. Vladimir Putin mahsulot bilan tanishdi

Mutaxassislar ma’lum qilishicha, issiqxonada nazoratli iqlim sharoiti, zamonaviy agrotexnologiyalar hamda tizimli parvarish usullari qo‘llandi. Natijada yuqori hosildor va eksportbop F-1 “Toshkent" navli limonlarni yetishtirish yo‘lga qo‘yildi. Mahsulot tashqi ko‘rinishi, ta’mi va saqlanish muddati bilan ajralib turadi hamda xalqaro bozor talablariga mos darajada yetkazib berilmoqda.

Mazkur limonlar Moskva shahrida o‘tkazilgan ko‘rgazmada namoyish etildi. Kuzatuv kengashi yig‘ilishidan avval Rossiya Federatsiyasi prezidenti Vladimir Putin ko‘rgazmani ko‘zdan kechirib, ushbu mahsulot bilan tanishdi.

Loyiha tashabbuskori ta’kidlashicha, yetishtirilgan limon navining ta’mi O‘zbekistonda yetishtirilgan limon ta’mi bilan deyarli bir xil. Erishilgan natija ilmiy yondashuv va amaliy tajriba uyg‘unligi samarasi hisoblanadi. Ushbu tajriba agrar sohada innovatsion yondashuvlarni keng joriy etish hamda eksport salohiyatini oshirishga xizmat qilishi kutilmoqda.

Reklama huquqi asosida