O‘zbekiston fransuz boksi “Savat” Ascotsiatsiyasining navbatdagi konferensiya yig‘ilishi bo‘lib o‘tdi

Konferensiya davomida O‘zbekiston fransuz boksi “Savat” assotsiatsiyasining 5 yillik faoliyati ko‘rib chiqilib, mazkur sport turi bo‘yicha O‘zbekistonda amalga oshirilgan ishlar va kelgusidagi rejalar xususida so‘z yuritildi. Shu bilan birga, assotsiatsiya rahbar organlarini saylash masalasi ham ko‘rib chiqildi.

Shuni qayd etish lozimki, "Turonbank" ATB O‘zbekistonda fransuz boksi “Savat” sport turini ommalashtirishga alohida e’tibor qaratgan. “Turonbank” ATB Boshqaruvi Raisi Chori Mirzayev O‘zbekistonda fransuz boksi “Savat” Assotsiatsiyasi prezidenti hisoblanadi.

Ayni dam Respublikamizning barcha viloyatlarida fransuz boksi “Savat” markazlarining faoliyati yo‘lga qo‘yilgan.

Eslatib o‘tamiz, hozirgi kunga qadar mazkur sport turi bilan 1300 nafardan ziyod yoshlar shug‘ullanmoqda va ular Osiyo hamda Jahon chempionatlarida muvaffaqiyatli ishtirok etdi. Ayni damga qadar O‘zbekiston jamoasi 80 ta oltin, 72 ta kumush va 93 ta bronza medallarini qo‘lga kiritgan.

O‘zbekistonda fransuz boksi “Savat” Assotsiatsiyasining asosiy maqsadi yoshlar o‘rtasida sog‘lom turmush tarzini targ‘ib qilish, ularni ommaviy sportga jalb etish, mamlakatimizning xalqaro nufuzini oshirish va sport orqali millatlar o‘rtasida do‘stona munosabatlarni rivojlantirishdir.

Reklama

#Turonbank