Viloyatlardagi davlat idoralari rahbarlariga xizmat uylari barpo etiladi

O‘zbekiston Prezidenti Shavkat Mirziyoyev 22 dekabr kuni joylardagi ijroiya hokimiyati va davlat idoralari rahbarlari uchun uy-joy qurish to‘g‘risidagi qarorni imzoladi, deb yozmoqda Gazeta.uz.

Hujjatga ko‘ra, xizmat turarjoy fondlari 2017—2018 yillarda namunali loyihalar asosida barpo etiladi. Qoraqalpog‘iston Vazirlar Kengashi va viloyat hokimliklari, davlat idoralarining hududiy (viloyat) boshqarmalari rahbarlari uchun 0,06 ga maydonga bir qavatli, beshxonali uylarni barpo etish, tuman (shahar) hokimiyatlari rahbarlari va davlat idoralarining tuman (shahar) bo‘linmalari rahbarlari uchun 0,02 ga maydonda ikki qavatli, to‘rt xonali to‘silgan uylarni qurish belgilangan. 

Dastlabki hisob-kitoblarga ko‘ra, jami 312,4 mlrd so‘mlik 1684 ta turar-joy barpo etiladi (shu jumladan 210 ta viloyat darajasidagi rahbarlar uchun). 

Qurilish ishlarini moliyalash manbalari sifatida (joylardagi ijro hokimiyati idoralari rahbarlari uchun) mahalliy byudjyet mablag‘lari, (MXX hududiy boshqarmalari rahbarlari uchun) davlat byudjyeti hamda IIV, Adliya vazirligi, Davlat soliq qo‘mitasi, Davlat bojxona qo‘mitasi va Bosh prokuraturaning byudjyetdan tashqari mablag‘lari ko‘rsatilgan