«Xalqlar do‘stligi» saroyi mukammal ta'mirdan chiqariladi

Toshkentdagi “Xalqlar do‘stligi” saroyi binosi rekonstruksiya qilinadi va mukammal ta'mirdan chiqariladi. Kun.uz’ga ma'lum bo‘lishicha, hukumatning bu haqdagi tegishli farmoyishi qabul qilingan.

Ta'mirlash ishlari 2018-2020 yillar davomida bosqichma-bosqich olib boriladi.

I bosqichda obektning tom qismi, fasad devori va sahnasini mukammal ta'mirlash va jihozlash ishlari amalga oshiriladi. Bu 2018 yilga mo‘ljallangan.

II bosqich - 2019-2020 yillar. Obektning binosi, tomosha zali, isitish, sovitish, ventilyatsiya tizimlarini rekonstruksiya qilinadi va jihozlash ishlari amalga oshiriladi.

I bosqich ishlari bo‘yicha respublika byudjyeti mablag‘lari hisobidan 11,73 mlrd so‘m mablag‘ ajratiladi. 

Shuingdek, obekt uchun mebel va inventar sotib olishga, o‘rindiqlarni ta'mirlash va o‘rnatish ishlari uchun 1,72 mlrd so‘m miqdorida mablag‘lar beriladi.