Rossiya ham britaniyalik diplomatlarni chiqarib yuboradi – Lavrov

Rossiya TIV rahbari Sergey Lavrovning ma'lum qilishicha, Buyuk Britaniya xatti-harakatlariga javob chorasi sifatida britaniyalik diplomatlar ham mamlakatdan chiqarib yuboriladi. Bu haqda RIA «Novosti» xabar bermoqda.

Vazir Moskva britaniyalik diplomatlarni Rossiyadan chiqarib yuborishga tayyor ekaniga oid savolga javob berar ekan, «albatta» deb javob qaytargan. Bundan tashqari, uning bildirishicha, Rossiya tomoni YeI bilan hamkorlikka tayyor bo‘ladi, bunda sheriklar «amerikalik rusofob tendensiyalar, jumladan sanksiyalar hamda provokatsiyalarni to‘xtatishi» talab etiladi.

«Hozirda Buyuk Britaniya hukumati tomonidan ro‘y berayotgan xatti-harakatlarga qo‘shilish manfaati ham yo‘qolishi kerak, ular oddiy odob-axloq normalaridan ham tashqariga chiqmoqda», - deya qo‘shimcha qilib o‘tdi Lavrov.